Füsse qualmen

Saluti zämä

gescht hämer Victoria, d Hauptstadt vo British Columbia, vo obä bis unä durämarschiert. Am Obig händ üsi Füäss nu no qualmt!
s ganzi hät sich aber glohnt, well äs isch würkli ä schöni Stadt. Mer sind no dä Queen Elisabeth und am Albert Einstein und sinä Kumpanä begegnet.....allerdings nu im Wachsmuseum (stelläd eu vor, dass gits do au, nöd nu z London!). dänn hämer im IMAX no Titanic agluegät, das wani verstandä ha, isch no interessant gsi:-)äs hät au no ä riesigi Usstellig däzue ka, wo mer aber leider(für dä Pädi) und zum Glück (für mi)nümä händ chönä go aluägä, well mer z spot gsi sind (do hetti nomol 3! stundä müässä umälaufä). so händ ich und mini Füäss Glück ka und händ hei, also i üsäs hüsli uf äm campground, dörfä.:-)

so, jetzt noch 12 stundä schlof gohts üs wieder guät. jetzt gohts ab uf d Fähre nach Vancouver, womer dänn, aber ersch morn, üsi Fuäss wieder quälä tüänd!:-)

Liebi Grüässli

Patrick und Patrizia