Letzter Eintrag... LEIDER!!!

Hoi zämä, hüt möched mir üsen letschte Itrag i dä Blog, denn üsi Flitterwoche neiget sich äm End zuä. Vier Wuchä im wunderschöne Canada am umäreise und scho müänd mer wieder Heiflüge... LEIDER!!!
Was mir alles genau erläbt hend werded mir eu denn persönlich wieder i dä Schwiiz verzellä. Und natürli hend mir viel meh Foti's gmacht als ihr i dä Webgallerie gseh chönd. Diä werded mir denn au erscht i dä Schwiiz zeige.
Hüt hend mir üsen Truck müässä abgeh und sind däfür inäs Hotel. Hüt Obig werded mir no uf dä Calgarytower go und hoffentli dä Sunneuntergang gnüssä und morn gönd mir zum Schluss vo üsärä Reis no dä Heritage Park go aluegä (Das isch wiä äs Freiliächtmuseum vomer ä alti Westernstadt chan go bestunä)
...
... jo das wärs eigentli gsi. Denn am Sunntig Nachmittag flüged mir wieder i d'Schwiiz und chömed am Mentig Nachmittag in Kloten a. Natürli freued mir üs mega uf Eu alli!!!

Bis bald i dä Schwiiz.

Vieli liäbi Grüäss

Patrizia und Patrick